تحديث iOS 9 من أبل هو رائع جدا, وكان التركيز الاهم هو تحسين تجربة المستخدم بدل من تغييرات الشكل وغيرها. لكن انا اشوف ان هالنظام ماراح يكمل غير ببعض الاشياء الي يحتاجها المستخدمين ولكن ابل ماتسمح فيها مثل تحميل التطبيقات من خارج المتجر الاب ستور, او تحميل التطبيقات المدفوعة مجانا على iOS 9.
بعضكم يمكن قرا او سمع عن الفايروس الاسبوع الماضي اسمه XcodeGhost والي اصاب تطبيقات والعاب مشهورة في المتجر الاب ستور مثل Angry Birds وغيرها, عمومن لاتخاف الفايروس هذا كل الي يسوية قدر يعرف نوع جهازك واللغة حقته بس. نظام أبل iOS مجهز بحماية عالية تمنع التطبيقات واي شي يكون له صلاحيات على البيانات في الجهاز خصوصن iOS 9 من اقوى الانظمة حتى الان من ابل حماية. الحذر مطلوب دايمن اكيد لكن تاكد من شي واحد, لايمكن احد انه يضرك بفيروس او شي يقدر من خلاله يحصل على بياناتك او معلوماتك او اي شي على جهازك الايفون او الايباد. لايمكن مستحيل هالشي يصير.
نرجع لموضوعنا عن طريقة تحميل التطبيقات المدفوعة مجانا على iOS 9 للايفون و الايباد, فيه مليون طريقة انا عارف لاي شخص يعرف شي غير الي بالموضوع اقوله Good For You لكن انا افضلها كذا. كيف تحمل اي تطبيق او لعبة مجانا, وطريقة تحميل Movie Box وتطبيقات مشاهدة الافلام والمسلسلات, وبعد طريقة تحميل تطبيق حجب الاعلانات على iOS 9 مجانا, واخيرن كيف تحمل ProTube الي اعتبره من افضل تطبيقات اليوتيوب عالايفون وانا ماستخدم غيره بصراحة.
كيفية تحميل التطبيقات المدفوعة مجانا على iOS 9
- من متصفح سفاري ادخل على هذا الرابط iOSEmus – او لو حصلت مشكلة في تحميل التطبيقات من الرابط الاولاضغط هنا وبعدين اختار Install now بيحولك لصفحة تثبيت ملف التعريف اضغط على تثبيت وكمل معاه الخطوات حقت التثبيت. وبتحصل ايقونة التطبيق عالشاشة الرئيسية.
- بعد ماتدخل الموقع او التطبيق انزل تحت واضغط على دائرة فيها سهم احمر نازل لتحت بوسطها
انزل تحت واضغط على all apps and emulators
- فيه هالصفحة بتحصل مجموعة من التطبيقات, المتاجر, وتطبيقات المحاكاة ايضا. اضغط على اي تطبيق تبي بعدين بتطلع رسالة اضغط Install ورسالة ثانية اضغط تثبيت
- بعد مايخلص تثبيت اذا كانت هذي اول مرة تحمل فيها شي من هالتطبيقات لما تجي تفتحه يطلع لك رسالة يقول الوثوق ومادري وش, الزبدة انت روح ادخل الاعدادات < عام < ملفات التعريف, وادخل على احد ملفات التعريف الي تحت “تطبيق مؤسسة” واضغط على الكلمة الزرقاء الوثوق في….
- وخلص الحين تقدر تفتح التطبيقات وتحمل اي شي
مشاهدة الافلام
تقدر تحمل من الصفحة الموفي بوكس, PlayBoxHD وهو الافضل لانه مايحتاج VPN. وهذي موقعين زيادة حقت افلام اون لاين view47 & movietubenow
تحميل الاغاني
عندك في الصفحة تطبيق اسمه MusicBox عشان تحمل منه الاغاني مجانا, طبعن التطبيق يحتاج VPN عشان تقدر تبحث او تحمل اغاني.
المتاجر
المتجر البديل هذا الي راح تحصل فيه التطبيقات والالعاب المدفوعة مجانا مثل HiPStore الي نحتاجه لتحميل ProTube او vShare.
ProTube
هذا التطبيق تقدر تحمله ببلاش من HiPStore ابحث فيه عن ProTube واضغط على Download وبعدين تثبيت. لو فتحت ProTube بتطلع رسالة انك سارق التطبيق, عشان تتخلص من هالرسالة لازم تقفل التطبيق اول شي وتشغل وضع الطيران عشان يفصل النت, بعدين افتح ProTube واذا فتح معاك طفي وضع الطيران واتصل بالنت عادي.
تطبيق منع الاعلانات iOS 9
مافيه ولاتطبيق لمنع الاعلانات في متصفح سفاري بتحصله مجاني عالاب ستور, والغريب اني بحثت عن اي شي منها في واحد من هالمتاجر وماحصلت غير تطبيق واحد Purify في متجر صيني 25pp.
- ادخل على هذا الموقع 25pp من سفاري بالايفون واضغط على زر التحميل الاخضر
- بعد التثبيت افتح التطبيق بيطلع لك رسالة حقت الوثوق, روح الاعدادات < عام < ملفات التعريف وادخل لملف التعريف الخاص بالمتجر الصيني هذا واضغط على الكلمة الزرقاء الوثوق في….
- انت روح افتح المتجر الصيني من الشاشة الرئيسية بتطلع لك خرابيط واجد بالصيني انت ضغط لين توصل للصفحة الرئيسية ومربع البحث اكتب فيه Purify, بيطلع لك ثاني واحد يمكن ايقونته ازرق مع ابيض
- ادخل عالتطبيق Purify وبعدين اضغط على زر التحميل الي تحت بوسط الصفحة وبعدين تثبيت
- بعد كذا ادخل على افتح Purify (لو عمل كراش عادي كمل مايحتاج يفتح) بيطلع لك رسالة ترحيب وخرابيط مشي هذا كله وبعدين اطلع من التطبيق وروح الاعدادات < انزل تحت عند Safari وادخل خيار ادوات حظر المحتوي وفعلن Purify, بعدين ارجع وفعل خيار لا تتعقب.
